Plantun de Prouvènço

Pèr coumpara dos planto d'encò nostre

Ilex aquifolium & Fumaria vaillantii

Agréu

Ilex aquifolium

Aquifoliaceae

Àutri noum : Gréu, Griéu, Fouito-pastre, Grifueio, Garrus.

Noms en français : Houx, Bois franc.

Descripcioun :
Planto proun couneigudo emé si fru rouge (gréule), si fueio larjo, verdo e lusènto e souvènti-fes pougènto (mai pas toujour). Vèn bèn souto li roure o peréu dins li faié. Segur qu'anas pas vous engana emé lou verbouisset qu'èi bèn mai pichot (e un soulet pouchoun).

Usanço :
L'agréu servié à passa tèms au nostre, majamen pèr faire de visc (emé la rusco) pèr aganta l'auceliho. Lou grèule èi proun empouissounant. Soun li fueio que sèrvon pèr faire de tisano (proun amaro) e de "vin de gréu". Acò èi vertuous contro li fèbre, lou toussi (verdau), li mau d'os e li verme dóu quiéu .

Port : Aubre
Taio : Pancaro entresigna
Fueio : alterno
Tipe bioulougico : Pancaro entresigna
Cicle bioulougico : Pancaro entresigna

Gènre : Ilex
Famiho : Aquifoliaceae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printems

Sòu : Ca
Autour basso e auto : Pancaro entresigna
Aparado : Noun

Liò : Colo
Estànci : Pancaro entresigna
Couroulougi : Pancaro entresigna
Ref. sc. : Ilex aquifolium L., 1753

Fumo-terro(-de-Vaillant)

Fumaria vaillantii

Papaveraceae Fumariaceae

Nom en français : Fumeterre de Vaillant.

Descripcioun :
Aquesto fumo-terro trachis dins li champ ounte flouris subretout l'estiéu. La planto èi pulèu palinouso, que siegue li fueio, o li flour d'un rose clar. Se destrìo peréu qu'a de pichòti sepalo (fotò) e lou fru èi pourta pèr un pecou mai long que si bratèio.

Usanço :
Sa cousino Fumaria officinalis es uno planto vertuouso ; tant se poudrié que siguèsse parié pèr aquelo planto mai la causo èi pas estado proun estudiado.

Port : Erbo
Taio : 10 à 40 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Fumaria
Famiho : Papaveraceae
Famiho classico : Fumariaceae

Ordre : Ranunculales

Coulour de la flour :
Petalo : irreguliero
Ø (o loungour) flour : Pancaro entresigna
Flourido : Printèms - Estiéu Ivèr

Sòu : Ca
Autour basso e auto : 0 à 1700 m
Aparado : Noun

Liò : Escoumbre e proche dis oustau - Champ
Estànci : Termoumediterran à Mountagnard
Couroulougi : Pancaro entresigna
Ref. sc. : Fumaria vaillantii Loisel., 1809

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Ilex aquifolium & Fumaria vaillantii

Coumpara Agréu emé uno autro planto

Coumpara Fumo-terro(-de-Vaillant) emé uno autro planto